♡~•~♡~•~🩷🄹🄴🅂🅄🅂🩷~•~♡~•~♡
Kom terug Na God
Jesaja 55:7 NLV
Die goddelose mens
moet sy verkeerde dinge los,
en die bose mens
sy slegte gedagtes.
Hy moet terugdraai na die Here
en Hy sal hom genadig wees.
Ja, draai na God,
want Hy sal altyd vergewe!
Joël 2:13
Moenie julle klere skeur omdat julle hartseer is nie, skeur julle harte!” Draai terug na die Here julle God toe, want Hy is genadig en vol meegevoel. Hy word nie maklik kwaad nie. Hy is baie liefdevol en wil julle nie graag straf nie.
Hosea 14:2
2 Keer terug na die Here jou God, o Israel, want jou sondes is jou ondergang.
3 Bely jou sondes en keer terug na die Here toe. Sê vir Hom: “Vergewe tog al ons sondes en aanvaar ons in genade sodat ons weer ’n lofoffer aan U kan bring.
Sagaria 1:3
Sê daarom vir die volk: ‘Dit is wat die Here, die Almagtige, sê: Draai om na My toe en Ek sal na julle toe omdraai, sê die Here, die Almagtige.’
Jeremia 24:7
Ek sal hulle ’n ingesteldheid gee om My weer as die Here te ag. Hulle sal weer soos my eie mense wees en Ek sal hulle God wees. Hulle sal My weer heelhartig dien.
Klaagliedere 3:40
Laat ons eerder gaan kyk
na wat ons gedoen het
en daaroor nadink
sodat ons kan omdraai
na die Here toe.
Hosea 6:1
“Kom, laat ons teruggaan na die Here toe! Hy het ons verskeur; Hy sal ons weer genees. Hy het ons geslaan; Hy sal ons wonde weer verbind.
Hosea 12:7
Kom nou terug na jou God toe! Tree op met liefde en regverdigheid, en lewe voortdurend met ’n vaste vertroue op jou God.
Jeremia 3:22
Die Here sê:
“Ontroue kinders,
kom terug na My toe.
Ek sal julle van julle ontrouheid
genees.”
Hulle het geantwoord:
“Ja, ons wil terugkom,
want U is die Here ons God!
Jesaja 31:6
Daarom, Israeliete,
kom terug na Hom toe,
al het julle Hom verraai.
Jakobus 4:8
Kom nader aan God, en Hy sal nader aan julle kom. Was julle hande van die sonde wat daaraan kleef, julle sondaars, maak julle harte skoon, julle tweegesigte wat nie kan besluit aan wie julle getrou wil wees nie.
Psalms 51:19
Die offer wat U wil hê, o God,
is ’n gebroke gees.
’n Gebroke en berouvolle hart
sal U nie verwerp nie, o God.
📖 Bybel
🎵 Lied 🎵
https://music.youtube.com/watch?v=ARzRY-m1e_k
Return
J Moss • The Demos, Vol. 1 • 2025
♡~•~♡~•~🩷🄹🄴🅂🅄🅂🩷~•~♡~•~♡
Geen opmerkings nie:
Plaas 'n opmerking
Wees asseblief respekvol in jou kommentaar. Haatlike, rassistiese, diskriminerende, antisemitiese of neerhalende kommentaar sal nie goedgekeur word nie. Jou respekvolle kommentaar (al stem jy nie saam nie) is welkom en word waardeer.