Kies Om Vriendelik Te Wees

♡~•~♡~•~🩷🄹🄴🅂🅄🅂🩷~•~♡~•~♡

Kies Om Vriendelik Te Wees,
Selfs Wanneer die Lewe Moeilik is

Efesiërs 4:32 NLV
Wees eerder vriendelik met mekaar. Gee vir mekaar om. Vergewe mekaar soos God julle vergewe het op grond van wat Christus gedoen het.

♡🩷♡
Kolossense 3:12
Julle is die mense wat God uitgekies het wat Hy geheilig het en wat Hy liefhet. Daarom moet julle die volgende soos klere aantrek: liefdevolle deernis, vriendelikheid, nederigheid, sagmoedigheid, geduld.

Spreuke 31:26
Sy praat met wysheid,
sy gee raad saam met liefde.

1 Korintiërs 13:4-7
4 Die liefde is geduldig en vriendelik,
die liefde is nie jaloers nie,
die liefde blaas nie sy eie beuel nie,
is nie vol van homself nie.
5 Dit tree nie onwaardig op nie,
stel nie sy eie belange voorop nie,
is nie kort van draad nie,
hou nie boek van die kwaad
wat hom aangedoen word nie.
6 Dit treur oor die onreg
wat plaasvind,
en juig as die waarheid seëvier.
7 Die liefde bly stil oor ander se foute,
dit bly steeds vertrou,
dit hou aan met hoop,
dit verduur alles.

1 Petrus 3:9
Moenie kwaad met kwaad vergeld nie. Moenie iemand wat julle beledig, terugbeledig nie. Inteendeel, jou antwoord moet ’n seënwens wees. Dít is waartoe God julle geroep het en waarvoor Hy julle sal seën.

♡🩷♡

Wanneer Die Lewe Moeilik Is

Psalms 13
2 Hoe lank sal U my bly vergeet, Here?
Vir altyd?
Hoe lank nog sal U anderpad kyk?
3 Hoe lank moet ek alleen planne maak,
elke dag deurbring met droefheid in my hart?
Hoe lank sal my vyand die oorhand hê?
4 Kyk tog en antwoord my, Here my God!
Verlig tog weer my oë dat ek nie die doodslaap ingaan nie,
5 anders sê my vyand: “Ek het hom oorwin!”
en is my teenstander bly oor my ondergang.
6 Maar ek maak self staat op u troue liefde.
Ek wil juig omdat U my gered het.
Ek wil sing tot eer van die Here omdat Hy vir my goed was.

Johannes 16:33
Ek sê hierdie dinge vir julle sodat julle in My rus en vrede kan vind. In die wêreld sal julle swaarkry beleef, maar skep moed: Ek het die wêreld reeds oorwin.”

Openbaring 21:4
Hy sal elke traan van hulle oë afvee en die dood sal glad nie meer bestaan nie. Ook hartseer of smartkrete of pyn sal glad nie meer bestaan nie. Die ou dinge het verbygegaan.”

Psalm 56:8
U het my ellende raakgesien.
U het my trane opgevang.
U het dit opgeskryf in u boek.

📖 Bybel

🎵  Lied  🎵
Held (Official Music Video) - Megan Tibbits & Hillside Recording
♡~•~♡~•~🩷🄹🄴🅂🅄🅂🩷~•~♡~•~♡

Soos 'n Kind

♡~•~♡~•~🩷🄹🄴🅂🅄🅂🩷~•~♡~•~♡

Aanvaar die
Koninkryk van God
Soos 'n kindjie

LUKAS 18:15-17 NLV
¹⁵ Die mense het hulle kindertjies na Jesus toe gebring sodat Hy hulle kon aanraak. Die dissipels het gesien wat aangaan, en die mense voor stok gekry.
¹⁶ Jesus het egter die kindertjies nadergeroep en gesê: “Laat die kindertjies toe om na My toe te kom, en moet hulle nie keer nie, want dit is sulke mense wat deel het aan die koninkryk van God.
¹⁷ Ek verseker julle, wie die koninkryk van God nie soos ’n kindjie aanvaar nie, sal nooit daar ingaan nie.”  

 ♡🩷♡
Matteus 18:3 NLV
Toe sê Hy: “As julle nie met ander oë na die lewe begin kyk en soos die kindertjies word nie, sal julle beslis nie in die koninkryk van God ingaan nie.

1 Korintiërs 14:20 NLV
Broers en susters, julle moenie soos naïewe kindertjies wees in julle denke oor hierdie dinge nie. Wees liewer babatjies wat die kwaad aanbetref, maar volwassenes in julle denke.

1 Petrus 2:2 NLV
Hiervoor moet julle genoeg geestelike melk inkry. Smag daarom na hierdie voeding soos pasgebore babatjies na hulle ma se melk sodat julle daardeur kan groei tot volwasse verlostes.

Matteus 19:14 NLV
Maar Jesus se reaksie was: “Laat staan die kindertjies. Moenie hulle keer om na My toe te kom nie, want God se koninkryk is juis bedoel vir almal wat soos hulle is.”

Markus 10:15-16 NLV
Ek verseker julle, wie God se koninkryk nie soos ’n kindjie ontvang nie, sal beslis nie daar ingaan nie.”
Toe het Hy sy arms om die kindertjies gesit, sy hande op hulle koppe gelê en hulle geseën.

📖 Bible

🎵  Song  🎵
♡~•~♡~•~🩷🄹🄴🅂🅄🅂🩷~•~♡~•~♡