Vryheid Is My Lied

♡~•~♡~•~🩷🄹🄴🅂🅄🅂🩷~•~♡~•~♡

Vryheid Is My Lied
Vryheid!
Ek is Vry!

Johannes 8:31-32 NLV
31 Toe het Jesus vir die Jode wat tot geloof in Hom gekom het, gesê: “As julle in ’n noue verbintenis aan my boodskap leef, is julle my egte navolgers;
32 "Julle sal begryp wat die waarheid beteken, en die waarheid sal julle vrymaak.”

♡🩷♡
Johannes 8:36 NLV
As die Seun julle dus bevry, sal julle regtig vry wees.

Romeine 8:2 NLV
Die lewegewende Gees is so magtig dat Hy jou deur Christus Jesus bevry het van die greep van die sonde wat uitloop op die dood.

2 Korintiërs 3:17 NLV
Die “Here” dui hier op “die Gees” en waar die Gees van die Here is, heers daar vryheid.

Galasiërs 5:1,13 NLV
1 'Om vry te wees! – dit is waarvoor Christus ons vrygemaak het! Maak seker dat julle vry bly, en moet nie weer onder ’n slawejuk vasgebind word nie. Broers en susters, 
13 julle is inderdaad geroep om in vryheid te leef. Moet net nie die vryheid misbruik om sondige begeertes te bevredig nie, maar gebruik dit om mekaar met liefde te dien.'

📖 Bybel

🎵  Lied  🎵
https://music.youtube.com/watch?v=Ei519KaRWqE
Freedom Is My Anthem
Beckah Shae
♡~•~♡~•~🩷🄹🄴🅂🅄🅂🩷~•~♡~•~♡

 ♡~•~♡~•~🩷🄹🄴🅂🅄🅂🩷~•~♡~•~♡

God se Liefde vir Jerusalem

Jerusalem — 'n Ontroue Vrou

♡🩷♡
Esegiël 16:60-63 NLV
60 Nogtans sal Ek onthou van die verbond wat Ek met jou gesluit het toe jy nog jonk was. Ek sal ’n ewige verbond met jou sluit.
61 Dan sal jy skaam wees as jy die dinge onthou wat jy gedoen het. Ek maak jou jonger en ouer susters dan jóú dogters, selfs al is hulle nie deel van ons verbond nie.
62 Ek sal weer my verbond met jou sluit, en jy sal erken dat Ek die Here is.
63 Jy sal jou sondes onthou. En dan sal jy stilbly omdat jy skaam kry, dié dag as Ek jou vergewe vir alles wat jy gedoen het, sê die oppermagtige Here.”

Nuwe Verbond Geprofeteer

Jeremia 31:31-37 NLV

31 Die Here sê: “Die tyd kom dat Ek weer ’n nuwe verbond met Israel en Juda sal sluit.
32 Hierdie verbond sal nie wees soos die een wat Ek met hulle voorouers gesluit het nie. Ek het hulle destyds aan die hand gevat en uit Egipte uitgelei. Hulle het my verbond verbreek, al het Ek hulle liefgehad soos ’n man sy vrou liefhet,” sê die Here.

33 “Maar so sal die nuwe verbond wees wat Ek na hierdie tyd met Israel sal sluit,” sê die Here. “Ek sal my wette in hulle gedagtes plant en op hulle harte skryf. Ek sal hulle God wees en hulle sal my volk wees.
34 Dit sal nie vir hulle nodig wees om vir hulle bure of familie te sê: ‘Ken die Here, leef soos die Here van julle verwag,’ nie. Almal, van die geringste tot die belangrikste, sal My reeds ken,” sê die Here. “Ek sal al hulle oortredings en hulle sondes vergewe. Ek sal nooit eers weer daaraan dink nie.”

35 Dit is wat die Here sê, Hy wat die son gemaak het
om in die dag te skyn, en die maan en die sterre
om in die nag lig te maak.
Dit is Hy wat die see onstuimig laat word om golwe te maak.
Sy Naam is die Here, die Almagtige, en Hy sê:

36 “So min as wat Ek hierdie natuurwette sal verwyder,
net so min sal die nageslag van Israel ooit ophou om my volk te wees!”

37 Die Here sê:

“Net soos die hemele nie gemeet kan word,

of die fondasie van die aarde ondersoek kan word nie,

net so min sal Ek daaraan dink om die nageslag van Israel vir altyd

weg te gooi vir die verkeerde dinge wat hulle gedoen het.”

Dit is wat die Here sê!

♡🩷♡

"Kommentare oor Esegiël 16:61, wat op StudyLight.org en ander webwerwe gevind word, verduidelik dat hierdie vers aandui dat God 'n nuwe, ewige verbond met Israel vestig, wat verder strek as die ou verbond om nie-Jode in te sluit wat "dogters" in die nuwe verbondsgemeenskap sal word en hul geestelike erfenis van Israel sal ontvang. Die "ouderlinge en jonger susters" verwys na die nie-Jode, wat onder die Nuwe Verbond in die Kerk ingelyf sal word.

Kernpunte uit die Kommentare

• Die Ewige Verbond:

  Vers 61 stel God se belofte bekend om 'n ewige verbond te vestig, wat kommentators verbind met die Nuwe Verbond wat in Jeremia 31:31-35 geprofeteer is.

• "Jou Susters":

Die "ouer en jonger" susters word geïnterpreteer as die heidene—dié wat geleef het voordat die Joodse nasie geroep is en dié wat daarna gekom het.

• Insluiting van Heidene:

Hierdie heidene sal in die Kerk ingebring word en die voorregte en verordeninge van God se verbond ontvang, en sal deelneem aan die nuwe geestelike gemeenskap saam met bekeerde Israeliete.

• 'n Nuwe Geestelike Familie:

Die "maak hulle dan jou dogters" beteken dat die heidene, sodra hulle deur God se genade in die Kerk ingebring is, in die verbondsvolk ingelyf sal word en die woord van God sal gehoorsaam.

• Skaamte en Bekering:

Die konteks van die vers dui daarop dat wanneer God verbondsgenade bewys en hierdie "susters" in die broederskap inbring, Jerusalem dan haar vorige weë sal onthou, skaam sal wees en haar groot sondigheid sal erken.

In wese beklemtoon die kommentare dat Esegiël 16:61 'n deurslaggewende profesie is oor die insluiting van die heidene in die volk van God deur 'n nuwe verbond in die bloed van Jesus Christus, ons Messias, wat 'n universele gemeenskap van geloof vorm."
(KI Oorsig-Vertaal uit Engels)

📖 Bybel

🎵 Lied 🎵

https://music.youtube.com/watch?v=6_fpdV3dt0Q
Ezekiel 16 - On The Day You Were Born
Project of Love
♡~•~♡~•~🩷🄹🄴🅂🅄🅂🩷~•~♡~•~♡

Niemand Weet Nie

 ♡~•~♡~•~🩷🄹🄴🅂🅄🅂🩷~•~♡~•~♡ 

• Niemand Weet Nie, 
• Net Die Vader

Valse Wegraping Voor Verdrukking Datum Vasstelling

Die 23ste en 24ste het gekom en gegaan en die wêreld lag vir Christene, maar iemand het weer 'n nuwe datum vasgestel!
Die wegraping voor die verdrukking het nie plaasgevind nie, al het iemand beweer dat die Here vir hulle gesê het dat die verdrukking gaan begin en toe het die valse profeet die datums bygevoeg. So baie het beweer dat hulle drome gehad het en dat die Here alles bevestig het, en die meeste van hulle het met die datum narratief gehardloop. Hoe kan soveel Christene mislei word?
Jesus sal nooit ooit lieg oor Sy eie woorde toe Hy gesê het dat niemand die dag van Sy wederkoms ken nie, net die Vader, en net die Vader het die gesag om daardie datums en tye vas te stel. Jesus het gesê dit is nie vir ons om te weet nie.
Tog het almal met al hierdie valse profete en hulle visioene en drome en woorde 'van die Here self' gehardloop, en ja, ek noem hulle valse profete. Om te beweer dat Jesus iets gesê het wanneer Hy dit nie gedoen het nie, is om in Sy Naam te lieg. Waar is die vrees van die Here in dit?

Prediker 5:2,6 NLV
'Baie aktiwiteit gee jou rustelose drome. Net so kom dwaasheid van te veel woorde. Want soos daar baie drome is wat sinloos is, so is daar ook baie woorde. Maar jy moet ontsag hê vir God. '

Handelinge 1:6-7 NLV
⁶ Toe hulle ’n keer weer bymekaar was, het die apostels Jesus aanhou vra: “Here, is dit nou die tyd dat U Israel weer ’n onafhanklike volk met ’n eie koning gaan maak?”
7 “Die Vader bepaal hierdie datums,” het Hy geantwoord, “en die bedoeling is nie dat julle dit moet ken nie.

Matteus 24:36, 44 NLV
³⁶ '“Tog ken niemand die presiese datum en tyd wanneer hierdie dinge sal gebeur nie – ook nie die engele of selfs die Seun nie. Dit weet net die Vader. 
⁴⁴ Daarom moet julle ook voorbereid wees, want die Seun van die Mens kom op ’n tyd wanneer julle dit nie verwag nie.” '

Titus 1:2 NLV
 "...God...Hy kan nie lieg nie." 

Hebreërs 6:18 NLV
"Hierdie twee dinge waarborg dat God sy woord sal hou..."

Romeine 3:4 NLV
Beslis nie! Al sou elke mens ’n leuenaar wees – God se waaragtigheid staan steeds vas. Soos die Skrif sê:
“U sal reg bewys word
in wat U sê,
en U sal u regsaak wen.”

Jeremia 23:16 NLV
Die Here, die Almagtige, sê:
“Moenie luister
na hierdie profete nie.
Hulle boodskappe
skep vals hoop by julle.
Die visioene wat hulle oordra,
kom nie van die Here af nie.
Dit kom van hulleself af!

Matteus 24:24-25 (Jesus)
24 Want daar sal baie vals messiasse en profete na vore kom. Hulle sal indrukwekkende tekens en wonders doen om, as dit moontlik sou wees, selfs God se uitverkorenes te probeer mislei.
25 Let goed op, Ek het julle vooraf gewaarsku.

Romeine 16:17
Nog ’n laaste beroep op julle, broers en susters. Wees op die uitkyk vir mense wat verdeeldheid veroorsaak en Christene se geloof ondergrawe deur dinge te verkondig wat bots met dit wat julle geleer het. VERMY HULLE.

Lukas 19:13 NLV 
Hy het sy tien slawe geroep en aan hulle tien goue muntstukke gegee en gesê: ‘Gaan doen besigheid daarmee totdat ek kom.’ 

Laat ons besig wees met God ons Vader se werk soos Jesus besig was met Sy Vader se werk. Doen die werk om ander te dien, dra mekaar se laste. Oë nie op 'n kalender nie, maar oë gevestig op Jesus.

📖 Bybel

🎵  Lied  🎵
https://music.youtube.com/watch?v=Qth4KDGeZXQ
Moonlight
ALIA LARA & 1 Timothy
♡~•~♡~•~🩷🄹🄴🅂🅄🅂🩷~•~♡~•~♡

 ♡~•~♡~•~🩷🄹🄴🅂🅄🅂🩷~•~♡~•~♡
Moenie bang wees vir die storms wat in jou lewe woed nie.
Jesus Christus ons Here en Verlosser wat die storm om hulle stil gemaak het terwyl hy in die boot was, kan beslis die storms van die lewe wat jy wêreldwyd in die samelewing en ook ín jou sien woed, stilmaak.
Bid altyd oor alles wat angs in jou hart veroorsaak, roep uit tot God! Hy sal beslis jou stem hoor. Hy sal jou vrese kalmeer en jou Sy vrede gee wat alle verstand te bowe gaan.
♡~•~♡~•~🩷🄹🄴🅂🅄🅂🩷~•~♡~•~♡

Geweld & Bedrog 
& Innerlike Vrede

Psalms 55:2-12,18-20,22 AFR20
2 O God, luister na my gebed,
verberg U nie vir my smeekbede nie.
3 Luister tog aandagtig na my 
en antwoord my.
Klaend dwaal ek rond; ek is verward
4 oor die geraas van vyande,
oor die getier van goddeloses,
want hulle laat onreg op my neerstort,
en in toorn is hulle vyandig teenoor my.
5 My hart krimp ineen in my binneste,
doodsangs het my oorval.
6 Vrees en bewing oorweldig my,
'n rilling trek deur my liggaam.
7 Ek het gedink,
het ek maar vlerke gehad soos 'n duif!
Ek sou wegvlieg en 'n tuiste vind;
8 ja, ek sou ver weggaan om te ontvlug;
ek sou in die woestyn oornag. •Sela
9 Ek sou haastig vir my 'n skuilplek soek,
weg van die rukwind, van die hewige storm.
10 My Heer, verwar, verdeel hulle tonge,
want in die stad sien ek net
geweld en stryd.
11 Dag en nag doen dit die rondte
op die stadsmure, en binne die stad
is daar onreg en geweld.
12 Vernietiging is binne-in die stad,
verdrukking en bedrog wyk nie
van die stadsplein nie.

18 In die aand, in die oggend
en in die middag het ek gekla en gesteun;
maar Hy het my stem gehoor.
19 Met vrede koop Hy my lewe vry
van 'n geveg wat teen my gerig is,
al is hulle in hulle hordes teen my.

20 God hoor en sal hulle verneder
– Hy regeer immers van die voortyd af, – Sela
hulle by wie daar geen verandering is nie,
en wat nie ontsag het vir God nie.

22 Sy mond is gladder as botter,
maar sy hart is die ene oorlog.
Sy woorde is strelender as olie,
maar dit is ontblote swaarde.

♡🩷♡

Psalms 107:29 AFR20
Hy het die storm stil gemaak
en die golwe het bedaar.

♡🩷♡

Psalms 55:23 AFR20
Werp jou las op die Here;
Hy sal jou versorg,
Hy sal nooit toelaat
dat die regverdige wankel nie.

Markus 4:39 AFR20
Toe staan Hy op, bestraf die wind en sê vir die see: “Wees stil, bedaar!” Die wind het gaan lê, en daar het 'n groot kalmte gekom.

Johannes 14:27 AFR20
Vrede laat Ek julle na – my vrede gee Ek julle. Ek gee dit nie vir julle soos die wêreld dit gee nie. Laat julle harte nie ontsteld en bang wees nie.

📖 Bybel

🎵  Lied  🎵
https://music.youtube.com/watch?v=CIui-ggRoeo
 ♪ Perfect Peace • Tenielle Neda  ♪
♡~•~♡~•~🩷🄹🄴🅂🅄🅂🩷~•~♡~•~♡

Heilige Gees

 ♡~•~♡~•~🩷🄹🄴🅂🅄🅂🩷~•~♡~•~♡

Profesie
Die Here se Belofte van Sy Gees

JOËL 2:28-32 NLV
[28] “Daarna sal Ek my Gees op alle mense uitstort. Julle seuns en julle dogters sal profeteer. Julle oumense sal drome droom. Julle jongmense sal visioene sien.  
[29] In dié tyd sal Ek my Gees selfs op slawe en slavinne uitstort.  
[30] “Ek sal wonders in die hemel en op die aarde laat plaasvind: bloed, vuur en rookkolomme. 
[31] Die son sal donker word en die maan bloedrooi. Dit sal gebeur voor die groot en verskriklike dag van die Here aanbreek.  
[32] “Enige persoon wat tot die Here bid, sal gered word. Die mense wat ontsnap, sal op die Sionsberg en in Jerusalem wees, net soos die Here gesê het. Hulle sal tussen die oorlewendes wees wat die Here geroep het.”

♡🩷♡

Profesie Vervul:
Die Heilige Gees Uitgestort

Handelinge 2:1-4, 16-21 NLV
[1] Op Pinksterdag, sewe weke na Jesus se opstanding, was al die gelowiges op een plek saam. 
[2] Skielik was daar in die lug bokant hulle ’n geluid soos van ’n geweldige stormwind, en dit het die hele huis gevul waar hulle bymekaar was.  
[3] Tonge wat gelyk het soos individuele vuurvlamme het toe tussen hulle verskyn en op elkeen van hulle gaan sit. 
[4] Almal is toe met die Heilige Gees vervul en soos die Gees vir hulle die vermoë gegee het, het hulle in ander tale begin praat.  
[16] Nee, wat hier gebeur, is waarvan God deur die profeet Joël gepraat het: 
[17] ‘Só sal dit in die laaste dae wees, sê God: Ek sal my Gees uitstort op elke mens. Julle seuns en dogters sal die woord van God verkondig; julle jongmense sal gesigte sien, en julle oumense sal drome droom.  
[18] Ja, op die mans en vroue wat in my diens staan, sal Ek in daardie dae my Gees uitstort en hulle sal my woord verkondig.  
[19] En Ek sal wonders gee bo in die hemelruim en wondertekens onder op die aarde – bloed en vuur en rookwolke.  
[20] Die son sal ’n donker kol word, en die maan ’n bloedkol, voordat die groot en heerlike Dag van die Here kom.  
[21] Elkeen wat die Naam van die Here aanroep, sal verlos word.’  

📖 Bybel

🎵  Lied  🎵
https://music.youtube.com/watch?v=FKWem-k3dyY
Fire on the Mountain, Fire in My Heart
Timeless Hebrew Tunes
♡~•~♡~•~🩷🄹🄴🅂🅄🅂🩷~•~♡~•~♡

'n Wolk

♡~•~♡~•~🩷🄹🄴🅂🅄🅂🩷~•~♡~•~♡

Ek Sien 'n Wolk

1 Konings 18:1-2; 41-46 NLV
1 Na ’n lang tyd, tydens die derde jaar van droogte, sê die Here vir Elia: “Gaan na koning Agab toe en sê vir hom Ek sal dit binnekort laat reën.” 

2 Elia het na Agab toe gegaan.

Intussen het die hongersnood in Samaria toegeneem.

41 Elia sê toe vir Agab: “Gaan eet en drink, want ek hoor die gedruis van groot reën!”

42 Agab het toe gaan eet en drink, maar Elia het tot op die top van Karmelberg geklim. Daar het hy met sy kop tussen sy knieë op die grond neergebuig.

43 Hy sê toe vir sy dienaar: “Gaan kyk uit oor die see.”

Die dienaar het gekyk, na Elia toe teruggekom en gesê: “Ek sien niks nie.”

Elia sê vir hom: “Gaan kyk weer!” Sewe keer het Elia hom gestuur.  

44 Die sewende keer kom sê die dienaar: “Ek sien ’n klein wolkie so groot soos ’n man se hand wat uit die see opkom.”

Toe sê Elia: “Maak gou! Gaan sê vir Agab: ‘Span jou wa in en gaan af na jou huis toe anders sal die reën jou vaskeer!’”

45 Spoedig was die lug donker van onweerswolke. ’n Sterk wind het ’n groot reënstorm gebring. Agab het dadelik na Jisreël toe vertrek. 

46 Die Here het Elia krag gegee. Hy het sy gordel vasgemaak en toe voor Agab se wa uit gehardloop tot by Jisreël.

Jesaja 60:22 NLV
"...Ek is die Here. Wanneer die tyd daarvoor kom, sal Ek dit doen.”

♡🩷♡
Dierbares, sovele kere het die Here Sy kinders se gebede verhoor. Ja, dit vat soms jare, maar ons druk deur met ons gebede in groot geloof en vrede in ons harte, want ons weet ons God is genadig en goed en Hy toets ook ons geloof en geduld en laat alles in Sý tyd, die regte tyd gebeur. Net soos in 2017 met ons droogte in Kaapstad.

So moenie beangs word wanneer die lewe druk nie. Moenie kleingelowig wees nie. Jou Bewaarder en Voorsiener sluimer en slaap nie. Hou aan uitroep vir Sy genade, hulp en voorsiening met al jou probleme en behoeftes. God is jou Abba Vader en Hy sorg vir Sy kinders.

Luister die liedjie by die skakel hieronder. Sien jy die wolk?😊  
"Ek sien 'n wolk. Ek weet God werk dinge ten goede vir my uit. Ek sien dit nou. God doen Sy beste wonderwerke wanneer dit geen sin behoort te maak nie en ek slaan my oë weer op en ek sien 'n wolk!" 
Wanneer die sluise van die hemel oopgaan, sal die seën uitgestort word. God se voorspoed sal meer as genoeg vir jou wees!😊🙌🩷 

📖 Bybel

🎵  Lied  🎵
https://music.youtube.com/watch?v=HTUpefC6qJk
Cloud - Megan Tibbits
♡~•~♡~•~🩷🄹🄴🅂🅄🅂🩷~•~♡~•~♡

Opstanding

 ♡~•~♡~•~🩷🄹🄴🅂🅄🅂🩷~•~♡~•~♡

Opstanding
(Die bymekaarmaak van
  God se uitverkorenes)

Die opstanding is met Christus se wederkoms. Jesus kom terug met die heiliges wat in Hom gesterf het.
Dit is hoe ek die Wederkoms van Christus verstaan, die opstanding van Sy mense en die engele wat hulle bymekaarmaak.
Wanneer ons sterf, keer die liggaam terug na die stof en die gees keer terug na God wat dit gegee het.
Dan is diegene wat in Christus Jesus gesterf het, se geeste in die hemel by die Here en dit is hulle geeste wat saam met Hom sal terugkeer met Sy wederkoms en DAN gebeur die opstanding uit die dood (wanneer hulle geeste beklee sal word met 'n nuwe liggaam en dit sal 'n verheerlikte onsterflike liggaam wees, soos Jesus se liggaam) en DAN sal daardie heiliges wat nog op aarde leef, verander word. Halleluja! Alle eer aan ons Grote God! Niks is vir Hom onmoontlik nie.

♡🩷♡
Prediker 12:7 NLV
Dan sal die stof teruggaan na die aarde toe soos dit was en die gees terugkeer na God wat dit gegee het.

Matteus 24:21-22, 29-31
21 Dit sal ’n tyd van groot verdrukking wees, erger as enigiets wat die wêreld ooit tevore beleef het of hierna sal beleef.
22 Om die waarheid te sê, as God nie ingryp en daardie tyd van swaarkry verkort nie, sal niemand dit oorleef nie. Maar ter wille van sy uitverkore mense sal dit wel verkort word.”
29 “Onmiddellik na hierdie tyd van swaarkry

‘sal die son donker word, en die maan nie meer lig gee nie.
Die sterre sal van die hemel val en die kragte wat die hemelruim saambind, sal geskud word.’

30 “Dan uiteindelik sal daar ’n teken teen die hemel verskyn om aan te dui dat Ek, die Seun van die Mens, aan die kom is. Daarop sal al die nasies van die aarde geskok en ontsteld wees. Hulle sal My, die Seun van die Mens, met krag en groot heerlikheid op die wolke van die hemel sien kom.
31 Ek sal my engele met die magtige klank van ’n basuin uitstuur en hulle sal my uitverkorenes uit al vier windstreke bymekaarmaak, ja, selfs vanaf die verste uithoeke van die wêreld.”

🩷1 Tessalonisense 4:13-18
13 Broers en susters, ons wil nie hê dat julle in onkunde sal verkeer oor die dooies nie. Dan sal julle nie soos die ander mense treur sonder ’n toekomsvooruitsig nie.
14 Want aangesien ons glo dat Jesus gesterf én opgestaan het, moet ons ook glo dat God die dooies wat in Jesus geglo het, saam met 🩷👑Jesus sal terugbring.☁️⛅☁️
15❗🩷Wat ons nou vir julle gaan sê, is ’n uitspraak van die Here: Ons wat bly lewe tot wanneer die Here terugkeer, het glad nie ’n voorsprong bo dié wat dan al gesterf het nie.
16 Wat eerste gaan gebeur, is dat die Here self uit die hemel sal neerdaal en dat die dooies wat aan Christus behoort, sal opstaan. Dit sal gebeur wanneer die hoofengel ’n bevel gee en God se trompet weerklink.
17 🩷Daarna sal ons wat bly lewe het, saam met hulle op wolke die lug in weggevoer word om die Here te ontmoet en vir altyd by Hom te wees.
18 🩷Troos mekaar dan met hierdie woorde.

Filippense 3:21
21 Hy sal ons vernederde liggame verander in liggame met goddelike heerlikheid, soos sy eie. Hiervoor sal Hy dieselfde krag gebruik as dié waarmee Hy alle dinge onder sy gesag bring.

1 Korinthiërs 15:50-58
50 Wat ek wil sê, broers en susters, is dat ’n gewone mens van vleis en bloed nie net so aan die koninkryk van God kan deel kry nie. Wat verganklik is, kan nie deel kry aan wat onverganklik is nie.
51 Ek wil aan julle ’n diep waarheid vertel wat God aan ons bekendgemaak het. Dit is dat ons nie almal sal sterf nie, maar ons almal sal verander word.
52 Dit sal dadelik, ja, in ’n oogwink gebeur, wanneer die laaste trompet weerklink. Want as die trompet sy klank laat hoor, sal die dooies met onverganklike liggame opgewek word. En dan sal ons ook verander word.
53 Want ons verganklike aardse liggame moet in hemelse liggame omskep word wat nooit sal sterf nie.

54 Wanneer dit gebeur – wanneer ons verganklike aardse liggame in hemelse liggame omskep word wat nooit sal sterf nie – dan uiteindelik sal die Skrifwoord waar word:

“Die dood is totaal uitgewis,
 want dit is heeltemal oorwin.”
55 “O dood, waar is jou oorwinning?
 Dood, wat het van jou angel geword?”

56 Want sonde is die angel wat die dood veroorsaak. En dit is die wet wat aan die sonde sy slaankrag gee.
57 Aan God kom ons dank toe – Hy wat aan ons die oorwinning oor die sonde en die dood gee deur Jesus Christus ons Here!
58 Dus, my geliefde broers en susters, staan baie vas, onbeweeglik. Gee altyd julle allerbeste vir die Here se werk, want julle weet voor die Here is alles wat julle doen die moeite werd.

2 Korintiërs 5:1-8
Nuwe Liggame
1 Ons weet dat wanneer ons aardse verblyf, wat net ’n tentwoning is, afgebreek word, ons ’n permanente blyplek by God het, ’n huis wat nie met hande gebou is nie, maar wat vir altyd in die hemel bestaan.
2 In hierdie tentwoning swoeg en kreun ons, want ons verlang daarna om ons hemelse woning te betrek.
3 As ons tog maar net met klere aan, en nie kaal nie, voor God sal mag staan!
4 Terwyl ons nog in die aardse tentwoning bly, kry ons swaar en kreun ons omdat ons nie gestroop wil word van ons aardse woning nie, maar met die hemelse woning beklee wil word.
So sal wat sterflik is, verteer word deur die eintlike lewe.
5 Hy wat ons hiervoor gereedgemaak het, is God. Hy het aan ons die deposito van die Gees as waarborg gegee.

6 Ons is dus altyd vol moed omdat ons weet dat alhoewel ons nog in die liggaam woon, ons eintlike woning by die Here is;
7 want ons leef deur te glo en nie deur te sien nie.
8 Ons hou moed, maar sou liewer uit die liggaam wil verhuis om by die Here te gaan woon.

📖 Bybel

🎵  Lied  🎵
https://music.youtube.com/watch?v=0wVoK0dFxg0
Revelation 22 - Come Lord Jesus
Project of Love
♡~•~♡~•~🩷🄹🄴🅂🅄🅂🩷~•~♡~•~♡