Prioritiseer Jou Tyd

 ♡~•~♡~•~🩷🄹🄴🅂🅄🅂🩷~•~♡~•~♡

Prioritiseer Jou Tyd
Soos Jesus Gedoen Het

‭‭Markus 1:29-38 AFR20‬
[29] Nadat hulle uit die sinagoge gekom het, het hulle dadelik saam met Jakobus en Johannes na die huis van Simon en Andreas gegaan.
[30] Simon se skoonmoeder het siek gelê met koors, en hulle het Hom dadelik van haar vertel.
[31] Hy het na haar gegaan, haar hand gevat en haar opgehelp. Die koors het haar verlaat en sy het hulle bedien.
[32] Toe dit aand word en die son reeds onder was, het hulle almal wat siek en deur demone besete was, na Hom gebring.
[33] Die hele dorp het by die deur saamgedrom.
[34] Hy het baie siekes met allerlei kwale gesond gemaak en baie demone uitgedryf. Hy het die demone nie toegelaat om te praat nie, omdat hulle Hom geken het.   
[35] Vroegoggend, toe dit nog stikdonker was, het Hy opgestaan, buitentoe gegaan en na 'n verlate plek vertrek. Daar het Hy gebid.
[36] Simon en dié saam met hom het agter Hom aan gegaan.
[37] Toe hulle Hom kry, sê hulle vir Hom: “Almal soek U.”
[38] Maar Hy sê vir hulle: “Laat ons êrens anders heen gaan, na die naburige dorpies toe, sodat Ek daar ook kan preek, want daarvoor het Ek gekom.”

‭Lukas 10:38-42 AFR20‬
[38] Terwyl hulle op reis was, het Hy by 'n sekere dorpie gekom waar 'n vrou met die naam Martha Hom as gas ontvang het.
[39] Sy het 'n suster met die naam Maria gehad, wat by die Here se voete gaan sit het om na sy woorde te luister.
[40] Maar Martha was besig met al die voorbereidings. Sy kom toe daar staan en sê: “Here, pla dit U nie dat my suster my alleen los om te bedien nie? Sê tog vir haar om my te help!”
[41] Maar die Here antwoord haar: “Martha, Martha, jy kwel en ontstel jou oor so baie dinge,
[42] maar net een ding is noodsaaklik, en Maria het die goeie deel gekies; dit sal nie van haar af weggeneem word nie.”

‭Lukas 9:51-52 AFR20‬
[51]  Toe die tyd vir Jesus se hemelvaart nader kom, was Hy vasberade om die reis na Jerusalem te onderneem.
[52] Hy het boodskappers voor Hom uitgestuur. En hulle het vertrek en by 'n Samaritaanse dorpie aangekom om daar vir Hom voorbereidings te tref. 

‭Johannes 17:4 AFR20‬
[4] Ek het U op die aarde verheerlik deur die werk te voltooi wat U aan My gegee het om te doen. 

📖 Bybel

🎵  Lied  🎵

♡~•~♡~•~🩷🄹🄴🅂🅄🅂🩷~•~♡~•~♡

Soek God in die Geheime Plek

 ♡~•~♡~•~🩷🄹🄴🅂🅄🅂🩷~•~♡~•~♡

Onttrek Van Al Die Geraas
Na 'n Afgeleë Plek &
Soek God & Word Gelei
deur die Heilige Gees

Lukas 4:42 AFR20‬
[42] Teen dagbreek het Hy vertrek en na 'n verlate plek gegaan. Die skares het Hom egter gesoek, en toe hulle Hom kry, het hulle Hom probeer verhinder om van hulle af weg te gaan. 

‭Lukas 5:15-16 AFR20‬
[15] Die nuus oor Jesus het egter nog verder versprei. Groot skares het om Hom saamgedrom om na Hom te luister en van hulle kwale genees te word.
[16]  Hy het Hom egter gereeld teruggetrek na afgeleë plekke en daar gebid.  

‭Lukas 6:12 AFR20‬
[12] In dié tyd het Jesus uitgegaan na die berg om te bid, en Hy het die nag deurgebring in gebed met God.

Matteus 14:13 AFR20‬
[13] Toe Jesus dit hoor, het Hy daarvandaan in 'n boot vertrek na 'n verlate plek om op sy eie te wees. Maar die skare het dit te hore gekom en Hom te voet uit die dorpe gevolg. 

Markus 1:10-12 AFR20‬
[10]  Net toe Hy uit die water opkom, het Hy die hemel sien oopgaan en die Gees soos 'n duif op Hom sien neerdaal.
[11] En 'n stem het uit die hemel gekom: “Jy is my Seun, my geliefde. Oor Jou verheug Ek My!”   
[12] Direk daarna het die Gees Hom die woestyn in gedryf. 

Psalms 10:4 AFR20‬
[4] Die goddelose sê met sy neus in die lug: “God vra nie rekenskap nie; daar is geen God nie” – dit is al sy gedagtes.

Psalms 46:11 AFR20‬
[11] “Bedaar en erken dat Ek God is, Ek is verhewe bo die nasies, Ek is verhewe bo die aarde.”

♡🩷♡

©️ Clarke, Adam. "Kommentaar op Psalm 46:10".
"Bedaar en erken dat Ek God is — הרפו harpu, Bedaar van jou provokasies van die Goddelike geregtigheid; hou op om teen die bedelings van sy voorsienigheid te murmureer; hou op met julle arbeid vir 'n tyd, sodat julle diep kan nadink oor die strengheid en goedheid van God - strengheid vir diegene wat neergevel en vernietig word; goedheid vir julle wat opgewek en verhoog is:-hou op met sonde en rebellie teen jou God; laat dit julle nie meer tot skande bring nie, sodat ons nie meer in benoudheid en verwoesting gebring mag word nie.

Erken dat Ek God is— Verstaan ​​dat ek die Fontein van krag, wysheid, geregtigheid, goedheid en waarheid is.

Ek is verhewe bo die nasies — Deur die bedeling van strawwe sal die heidene my as die God van geregtigheid ken; deur die publikasie van my Evangelie onder hulle, sal hulle my as die God van goedheid ken.

Ek is verhewe bo die aarde. — Ek sal my verlossing laat verkondig in elke nasie, onder elke volk en in elke taal."
©️ Clarke, Adam. "Kommentaar op Psalm 46:10".
"The Adam Clarke Commentary".
Source: studylight.org

♡🩷♡

📖 Bybel

🎵  Lied  🎵

♡~•~♡~•~🩷🄹🄴🅂🅄🅂🩷~•~♡~•~♡

Moenie Angstig Wees Nie

♡~•~♡~•~🩷🄹🄴🅂🅄🅂🩷~•~♡~•~♡

Laat Jou 'Ja' Werklik 'Ja' Wees
& Jou 'Nee' 'Nee

Matteus 5:37 AFR20‬
[37]  Laat die woord ‘ja’ by julle werklik ‘ja’ wees, en julle ‘nee’ ‘nee’. Meer as dit is uit die bose.

‭Filippense 4:6-7 AFR20‬
[6] Moet oor niks bekommerd wees nie, maar maak in alles julle versoeke deur gebed en smeking met danksegging aan God bekend. 

[7]  En die vrede van God, wat alle begrip oortref, sal in Christus Jesus oor julle harte en gedagtes waak.

‭2 Korinthiërs 8:11 AFR20‬
[11] Voltooi dan nou ook die taak, sodat, net soos julle bereidwillig was om dit te wil doen, julle ook bereidwillig sal wees om dit te voltooi uit wat julle het.

‭Jakobus 5:12 AFR20‬
[12]  Bo alles, my broers, moenie sweer nie – nie by die hemel nie, en nie by die aarde nie – en moet ook geen ander eed aflê nie. Maar laat julle “ja” 'n “ja” wees, en julle “nee” 'n “nee”, sodat die oordeel julle nie tref nie.

‭‭Numeri 30:1-2 AFR20‬
[1] Moses het met die stamhoofde van die Israeliete gepraat en gesê: “Dit is wat die Here beveel het:
[2]  As 'n man aan die Here 'n gelofte aflê, of as hy 'n eed aflê om te hou by 'n onderneming wat hy gegee het, mag hy sy belofte nie verbreek nie. Alles wat oor sy lippe gekom het, moet hy doen.

📖 Bybel

🎵  Lied  🎵

♡~•~♡~•~🩷🄹🄴🅂🅄🅂🩷~•~♡~•~♡

Voel Jy Verswelg, Oorweldig?

♡~•~♡~•~🩷🄹🄴🅂🅄🅂🩷~•~♡~•~♡

Verswelg/Oorweldig?
Koop Jou Tyd Uit

Gaan eenkant, raak stil en bid. Bedaar en word kalm.  Here Jesus is immers ons vrede. Hy is vol genade en waarheid.

‭Lukas 8:22-25 AFR20‬
[22] Op 'n sekere dag het Jesus en sy dissipels in 'n boot geklim, en Hy het vir hulle gesê: “Kom ons gaan na die oorkant van die meer,” en hulle het uitgevaar.
[23] Tydens die vaart het Hy aan die slaap geraak. 'n Hewige stormwind het op die meer neergeswiep. Die boot het vol water begin word, en hulle was in lewensgevaar.
[24] Hulle het Jesus gaan wakker maak en uitgeroep: “Meester, Meester, ons vergaan!” Hy het opgestaan en die wind en die stormsee bestraf. Dit het bedaar, en alles het kalm geword.
[25] Toe sê Hy vir hulle: “Waar is julle geloof?” Hulle was met ontsag vervul en verwonderd, en het vir mekaar gesê: “Wie is Hy tog dat Hy die winde en die water bestraf en hulle Hom gehoorsaam?” 

‭Efesiërs 2:14 AFR20‬
[14] Hy is immers ons vrede – Hy wat albei één gemaak het, en die middelmuur van skeiding, die vyandskap, deur sy liggaam afgebreek het.

‭Johannes 1:14 AFR20‬
[14] En die Woord het vlees geword en onder ons kom woon, en ons het sy heerlikheid aanskou, 'n heerlikheid soos dié van die unieke Seun van die Vader – vol genade en waarheid.

‭Markus 1:35 AFR20‬
[35]  Vroegoggend, toe dit nog stikdonker was, het Hy opgestaan, buitentoe gegaan en na 'n verlate plek vertrek. Daar het Hy gebid.

‭Lukas 6:12 AFR20‬
[12] In dié tyd het Jesus uitgegaan na die berg om te bid, en Hy het die nag deurgebring in gebed met God.

📖 Bybel

🎵  Lied  🎵

♡~•~♡~•~🩷🄹🄴🅂🅄🅂🩷~•~♡~•~♡

Politieke Intrige en Sameswering

 ☆~•~☆~•~☆~•~☆~•~☆~•~☆~•~☆

Politieke Intrige en Sameswering

‭HOSEA 7:3-7 AFR83‬

³ Met hulle bose optrede en met hulle slinkse planne stel hulle die koning en sy amptenare tevrede; 

⁴ hulle is die een so onbetroubaar soos die ander. Hulle is soos 'n oond wat aanhou smeul wanneer die bakker ophou stook terwyl hy die deeg knie en daarna wag dat dit moet rys: 

⁵ by die fees van die vorige koning het hulle sy amptenare papdronk gemaak en was sy raadgewers onder die invloed van drank. 

⁶ Terwyl die rebelle die koning gehuldig het, het die verraad in hulle gesmeul soos 'n oond, deur die nag was hulle drif sluimerend, teen die môre het dit opgevlam. 

⁷ Hulle was almal soos 'n oond wat brand: so het hulle hulle regeerders verteer en het al hulle konings tot 'n val gekom. Maar •nie een van hulle vra ooit na My wil nie. 

•Roep Jesus Aan!

‭1 TIMOTEUS 2:1-3 AFR83‬

¹ Ek dring daarop aan dat daar in die eerste plek met smeking, voorbidding en danksegging gebid moet word vir alle mense, ² vir dié wat regeer en vir almal wat gesag uitoefen, sodat ons 'n rustige en stil lewe kan lei in volkome toewyding aan God en in alle eerbaarheid. 

³ So is dit goed en aanneemlik vir God, ons Verlosser, 

Christene, bid julle dat Gód se wil of júlle wil in ons politiek sal geskied?

📖Bybel

🎵 Lied 🎧

☆~•~☆~•~☆~•~☆~•~☆~•~☆~•~☆

Moenie bang wees nie

 'Moenie so bang wees vir die koning van Babel nie, moenie vir hom bang wees nie, sê die Here, want Ek is by julle om julle te red en julle uit sy mag te bevry. Ek sal julle genadig wees, en daarom sal hy julle genadig wees en julle na julle land toe laat teruggaan. hoor dan die woord van die Here, julle wat van Juda oor is! So sê die Here die Almagtige, die God van Israel: As julle vas besluit het om Egipte toe te gaan en julle gaan woon daar, sal die oorlog waarvoor julle bang is, julle daar in Egipte inhaal, en die hongersnood wat julle vrees, sal julle daarheen volg, en julle sal daar sterf. Ja, almal wat vasbeslote is om na Egipte toe te gaan en daar te woon, sal sterf deur oorlog, deur hongersnood en deur pes. Nie een van hulle sal vrykom en die rampe ontsnap wat Ek oor hulle sal bring nie.' 

JEREMIA 42:11-12,15-17

 

MOENIE BANG WEES NIE

Die Here wil nie hê dat ons moet bang wees nie.  Vrees nie mense nie!  Vrees die HERE!  Moenie bang wees vir regeringsleiers nie.  Soos God sê in Spreuke 21:1, 'Die koning se hart is in die hand van die Here soos waterstrome: Hy lei dit waarheen Hy wil.'
Doen die Here se wil, wees gehoorsaam aan Sy woord, en Sy wil sal julle vind in Sy woord.
Wanneer ons vrees en nie op die Here vertrou nie en ons vlug weg van dit wat ons vrees, sal dit wat ons vrees ons volg en ons sal dit nie ontsnap nie!

Laat die vrede van die Here wat alle verstand te bowe gaan in ons harte heers deur ons vaste vertroue op Hom en daar sal nie plek wees vir vrees nie.  Kyk wat staan geskrywe in Jesaja 26:3...

'en wat op Hom vertrou. Gee aan hulle vrede en voorspoed, Here, want hulle het hulle vertroue op U gestel. '
Jesaja 26:3

En ons het nie nou 'n profeet nodig wat vir die Here namens ons vra wat Sy wil is nie, nee, ons het almal dieselfde Gees van God ontvang en ons gaan self in gebed na God en kry Sy antwoord aan ons in Sy woord.  Die Here se skape hoor Sy stem en geloof kom deur die gehoor en die gehoor kom deur die woord van God!  Wil jy God se stem hoor?  Lees Sy woord en moenie net hoorders van Sy woord wees nie, maar gaan doen Sy wil, wees gehoorsaam aan Sy woord en so bly jy in Jesus en sal jy baie vrug dra en God tevrede stel.

(En met my woorde oor 'n profeet, verwerp ek geensins die gawe van profesie wat ons van die Heilige Gees ontvang nie, nee.  God se woord sê in 1 Tessalonisense 5:20-22 ons moenie profesieë geringskat nie, maar toets dit alles, behou wat goed is, en bly weg van alles wat sleg is.)
En ek gaan nou spesifiek praat van Angus Buchan en die haat wat mense teen hom praat, die lasterlike dinge.  Daar is absoluut niks verkeerd wanneer hy sê dat die Here op sy hart gelê het om gebedsbyeenkomste te reël nie.
Ervaar jy en ek dan nie ook dat die Here in ons alleentyd met Hom, dinge tot ons hart spreek nie?  Ek wonder baie keer of party Christene die stem van die Here deur Sy woord wat tot hulle harte spreek, maar net ignoreer nie, want hulle ag hulleself nie waardig genoeg om van God te hoor nie.  Ons moet ophou met daardie denke.  Ons as gelowiges is deur God waardig genoeg geag om Sy Seun te stuur om vir ons sondes te kom sterwe.  Ons moet ophou om ons ore uit te leen aan die duiwel se leuens aangaande ons.  Weet wie jy is in Christus.
Wanneer ons glo dat God nie met ons praat nie, dan speel ons in die duiwel se hande.

Ons moet ophou om ander te kritiseer wat sê wat die Here tot hulle harte gespreek het deur Sy woord.  Toets elke woord, bly weg van alles wat sleg is (as dit teen God se woord gaan) en behou die goeie en ons kan nie verkeerd gaan nie.  Om gebedsbyeenkomste te reël is iets goeds!  Vader sê dan juis dat Sy huis (die lewende stene, die Christene, Sy kinders, want ons liggame is Sy tempel) sal 'n huis van gebed wees.

Amen.  God seën julle.  Ek kan nie glo die draai wat ek loop met die woord wat ek vanoggend gelees het nie.  So lei die Here se Gees van Waarheid ons.  Ons moet in Sy woord bly en jy sal verbaas staan hoe Hy deur Sy woord met jou praat.

Ek hoop dié woorde, geinspireer deur die Heilige Gees, (want ek het Hom gevra! :)) is vir julle 'n groot bemoediging.  Gaan in vrede en wandel in die liefde van Jesus.♥

Om mee af te sluit, Psalm 97:10 ter bemoediging.

Julle het die Here lief; haat dan wat sleg is!

Hy bewaar die lewe van sy troue dienaars,

Hy red hulle uit die greep van die goddelose.

Die Here ons Geneser

Indien iemand jou met hulle woorde of met hulle dade seergemaak het en jou hart is gebroke, weet net dat jy nie alleen is nie.  Jesus sal jou gebroke hart genees, jou wonde verbind.

Dié wat jou seergemaak het, hou hulle in gebed!  Ja, bid vir hulle!  Ek weet dit is moeilik, maar druk deur en jy sal verbaas staan hoe die Here Jesus jou hart sal genees.

Storms in jou lewe

God kan 'n storm in jou lewe bring om jou geloof te toets.  Jy mag 'n regverdige lewe lei en God dien, maar dit beteken nie dat daar nooit moeilikheid oor jou pad sal kom nie.
Ons moet deur die vuur gelouter word, sodat die egtheid van ons geloof, wat meer waardevol is as goud, getoets kan word, sodat wanneer Jesus weer kom, dit lof, heerlikheid en eer waardig mag wees.
Sodat ons Hom kan hoor sê "mooi so goeie en getroue dienaar".  Dat ons konstant en standvastig in ons geloof gevind mag word.

Al wat jy hoef te doen is om te vertrou op Jesus, op Hom alleen.  Roep Hom aan in jou tyd van benoudheid!  Hy sal saam met jou deur die storm gaan en Hy sal die storm kalmeer en Hy sal jou uit die storm uit bring.  Loof Hom tydens die storm, wees lief vir Hom!  Laat Jesus jou sterk toring wees na wie jy hardloop vir beskerming.

God sê dat die regverdiges baie probleme sal hê, maar Hy sal ons uit al ons probleme red.  Is dit nie gerusstellend om te weet dat ons nie ons storms alleen tegemoet hoef te gaan nie?  God gaan saam met ons daardeur.  Vertrou op Hom, Hy is die Here jou God.  Die Here beplan vir ons voorspoed, nie teëspoed nie.  Hy wil vir ons 'n toekoms gee, 'n verwagting.

Op sy bevel het 'n stormwind opgesteek en die golwe opgejaag.
Maar in hulle nood het hulle na die Here geroep om hulp, en Hy het hulle veilig uit hulle ellende gelei.

Hy het die stormwind stilgemaak, en die golwe van die see het bedaar.

~Psalm 107:25,28-29